從未做過生意到生意失敗後東山再起而成功 - 亞歷山大的真實從事康寶萊業務的經歷

好多朋友嚟同我講好希望我將我過去嘅經歷同大家分享，

由其係我喺康寶萊嘅過去經歷。

一直以來我都同大家講，

其實康寶萊係無呃任何人，

只係從事康寶萊嘅人，

佢地借康寶萊嘅名義嚟賺錢，

去以夢想包裝和製造目標感，

令人願意"投資"喺呢個地方，

以致有人損失慘重 (當然，亦有成功者的，但很少數)

這次，我決定將我嘅經歷一次過同大家分享！

話說7年前接觸了康寶萊，

嘗時用佢減肥，的確是有效果的，

而在兼職層面上我係有錢賺的。
是因為我效果好：

但礙於康寶萊本身嘅制度問題，

佢係需要經營者囤貨的，

所以基本上做得康寶萊嘅都要預先買落幾萬蚊嘅貨去攞最平嘅價錢。

而好多時經營者都會"建議"佢嘅拍檔都去囤貨，

因為咁樣佢地可以一筆賺幾千蚊！

當年，我都有去囤貨

幸運地，我用2個月已經賣哂！

而我亦聽過唔少人因為賣唔去而夾硬自己食哂d貨佢！(喺康寶萊這是很普遍的現象！)

當時，我加入左"營養俱樂部"

而呢個經營模式係源於墨西哥，

係屋企請隔離左右去用產品的。

但喺香港，變相成為左經營者嘅特許經營，

佢地係會收顧問費之類的，還要上課程等，
還有每年4度的海外訓練！每次都用成萬蚊！

總之會令你未開始之前先俾左好多好多錢，

因為，你就係佢地嘅水魚！

我做過3間俱樂部，而頭2間還是可以的，

但至於最後做的那一間，我便真的蝕入肉了！

原因都係因為當時邀請我加入嘅總裁經費手法問題！

佢地所揀嘅Location係極度困難搵到客源，

二來租金貴

三來佢所揀選嘅核心成員個個都負能量爆燈，

最致命一點係，我每日8點已經翻到去開工，

而佢地就好他調地成2,3點先蒲頭，

翻到嚟仲要睇佢地面色做人！

當我覺得唔對路嗰時想走，

仲無啦啦要我俾多一個月通知金佢添！

最後一張還在經營康寶萊的照片，看起來很疲倦！

總結: 學我一位好友話齋:

付出同收入完全唔成正比！

即使係做，你應該係20年前做，

今日你先嚟加入嘅，

我勸你停一停諗一諗好！

做跟康寶萊嘅你，醒下啦！

如果真係做到，你唔會個個月都窮到褲窿！

仲要盲目咁追逐嗰d所謂獎勵，

做唔到就碌爆自己張卡去個面子旅行，

真心，醒下啦！

很感恩當天帶我入康寶萊嘅朋友及時帶我離開，

中間的旅途有愉快有不愉快，

我學習到很多事物，

而很感恩你讓我有能力去建立現在嘅生意！

謝謝你！

如果你想透過工餘時間，

而不影響正職的情況下，

真正能賺取3-5千元利潤收入，

邀請你到下面連結Connect With us!

我地一定可以幫助到你！

http://www.aromaessentialsplus.com/#!joinuschinese/c1mr2